لأن رأيكن بهمّنا، كل مرّة منوصّلكن طلب، منبعتلكن استبيان صغير كرمال نعرف كيف فينا نحسّن ونطوّر، خطوة بخطوة.
بس مع الوقت، لاحظنا انه في كتير ناس كانوا عم بقيموا كل شي من المنتج، للمحل، للون، للجودة، ومش خدمة التوصيل. وقتها فهمنا إنو لازم نوضّح الأمور أكتر.
بوَكّلني، شغلنتا نوصّل، نِسلِّم. نِضمن يوصل الطلب سالم وبوقته، ومنحرص إنو هالشي يصير بأفضل طريقة. وهيدا السبب يلي بخلّينا نبعتلكن استبيان بعد كل توصيلة.
بس لما التقييمات تصير عن أشياء مش بإيدنا، بيصير أصعب نعرف شو لازم نصلّح، وشو ما بيتعلّق فينا.
لهيدا السبب، قررنا نعمل تعديل بسيط، بس فعّال، على الاستبيان.
من اليوم ورايح، رح تشوفوا قسمين منفصلين:
- واحد لتقييمنا نحنا، كخدمة توصيل.
- وواحد للمحل أو المنتج (إذا حبيتوا تعبّوه).
هالخطوة بتساعدنا كلنا. نحنا منركّز على يلي فينا نتحكّم فيه، والمحلّات بياخدوا ملاحظات بتفيدهم ليطوّروا حالهم. يعني صوتكن عم يوصل للمكان الصحّ.
فإذا كان في نقص، أو المنتج ما طابق التوقّعات؟ احكوا مع المحل.
بس إذا نحنا تأخّرنا، أو خبّصنا، أو نسينا نرد؟ هون بيجي دوركن. قيّمونا، وخلّونا نتحسّن.
شكرًا لأنكن عم تساعدونا نكبر ونتعلّم.
بكل محبّة،
فريق وكّلني
Track Orders
